समाचार

काठमाडौं, बडादशैंको अवसरमा सशस्त्र प्रहरी बल, नेपाल नम्बर १९ गण हेक्वा (विशेष कार्यदल) बगलामुखी हल्चोक स्वयम्भूमा असोज २० गते सशस्त्र प्रहरी बल, नेपालको निशान तथा मौलो पुजा सम्पन्न भएको छ । सशस्त्र प्रहरी महानिरीक्षक शैलेन्द्र खनालले विशेष कार्यक्रमका बीच पुजाअर्चना गर्नुभएको उक्त निशान तथा मौलो पुजा कार्यक्रममा सशस्त्र प्रहरी अधिकृत तथा जवानहरुबाट पुजाअर्चना तथा मौलो परिक्रमा गरिएको थियो । बिहान ७ बजेर ११ मिनेटको पुजाको संकल्प साइतमा गरिएको निशान तथा मौलो पुजा कार्यक्रममा सशस्त्र प्रहरी महानिरीक्षक खनालले सशस्त्र प्रहरी बल, नेपालको निशानमा पञ्जाछाप लगाउनुभयो । सशस्त्र प्रहरी व्याण्डको मंगलधुनबीच सुरु भएको पुजा कार्यक्रममा सशस्त्र प्रहरी बल, नेपालको एक टोलीले निशान भगवती सलामी अर्पण गरेको थियो । सशस्त्र प्रहरी बल, नेपाल प्रधान कार्यालयले बडादशैंको अवसरमा महानवमीको दिन हरेक वर्ष निशान तथा कोतपुजा गर्दै आएको छ । त्यसअवसरमा सशस्त्र प्रहरी महानिरीक्षक खनालले मौलोपुजा व्यवस्थापनमा उत्कृष्ट कार्यगर्ने सशस्त्र प्रहरी कर्मचारीहरुलाई पगरी तथा नगद पुरस्कार प्रदान गर्नुभएको थियो । कार्यक्रममा एपीएफ अधिकृत, विल्लादार तथा जवानहरुको उपस्थित रहेको थियो ।

काठमाडौं, सशस्त्र प्रहरी बल, नेपालले बडादशैंको पुनित अवसरमा काठमाडौं उपत्यकामा २ वटा बस निःशुल्क रुपमा संचालन गर्ने भएको छ । बडादशैंको बेला सार्वजनिक यातायातका साधनहरु न्यून रुपमा चल्ने भएकोले सर्वसाधारणको आवतजावतमा सुविधा पु¥याउने उद्देश्यले सशस्त्र प्रहरी बल, नेपालद्वारा निःशुल्क बस संचालन गर्न लागिएको हो । काठमाडौं उपत्यकाभित्र निःशुल्क बस सेवा प्रदान गर्न सशस्त्र प्रहरी बल, नेपाल प्रधान कार्यालयबाट निस्कने एउटा बसले ठूलो भ¥याङ, बनस्थली, वालाजुुहुँदै विभिन्न ठाउँका स्थानीय यात्रुहरुलाई सेवा प्रदान गर्ने छ भने सशस्त्र प्रहरी बल, नेपाल प्रधान कार्यालयबाटै निस्कने अर्को बसले सितापाईला, कलंकी, बल्खुुहुँदै विभिन्न ठाउँका यात्रुहरुलाई निःशुल्क सेवा प्रदान गर्ने छ । सशस्त्र प्रहरी बल, नेपालले काठमाडौं उपत्यकाभित्र संचालन गर्ने सो निःशुल्क बस बडादशैंको नवमी, दशमी र एकादशीका दिन बिहान ०८:०० बजेदेखि संचालन हुने छ । सशस्त्र प्रहरी बल, नेपालले बडादशैंको अवसरमा यात्रुहरुलाई सहजता होस भन्ने अभिप्रायले सशस्त्र प्रहरी बल, नेपालसँग रहेका २ वटा बसहरु संचालनमा ल्याइने छ ।

काठमाडौं, सशस्त्र प्रहरी बल, नेपालले वडादशैंको पुनिट अवसरमा देशका विभिन्न ठाउँहरुमा स्थानीय वासिन्दाका लागि एक सय ३४ वटा पिङ हालेको छ । सशस्त्र प्रहरी बल, नेपालले स्थानीय वासिन्दाहरुलाई लक्षित गरी असोज १७ गते सम्म उक्त पिङ हालेको हो । सशस्त्र प्रहरी बल, नेपाल नम्बर १ बराह बाहिनी मुख्यालय, सुनसरीले २४ वटा पिङ हालेको भने सशस्त्र प्रहरी बल, नेपाल नम्बर २ छिन्नमस्ता बाहिनी मुख्यालय, महोत्तरीले २४ वटा, सशस्त्र प्रहरी बल, नेपाल नम्बर ३ गढीमाई बाहिनी मुख्यालय, मकवानपुरले ११ वटा, सशस्त्र प्रहरी बल, नेपाल नम्बर ४ मुक्तिनाथ बाहिनी मुख्यालय, कास्कीले ८ वटा पिङ हालेको छ । यसैगरी सशस्त्र प्रहरी बल, नेपाल नम्बर ५ विन्ध्यावासिनी बाहिनी मुख्यालय, रुपन्देहीले २६ वटा, सशस्त्र प्रहरी बल, नेपाल नम्बर ६ महेश्वरी बाहिनी मुख्यालय, सुर्खेतले ४ वटा, सशस्त्र प्रहरी बल, नेपाल नम्बर ७ बैद्यनाथ बाहिनी मुख्यालय, कैलालीले २५ वटा र सशस्त्र प्रहरी बल, नेपाल नम्बर ९ पशुपतिनाथ बाहिनी मुख्यालय, काठमाडौंले १२ वटा पिङ हालेको छ ।

काठमाडौं, सशस्त्र प्रहरी महानिरीक्षक शैलेन्द्र खनालले नेपालीहरुको महानचाँड विजया दशमी, दिपावली तथा छठपर्वको पुनित अवसरमा सम्पूर्ण सशस्त्र प्रहरी कर्मचारी तथा उनीहरुका परिवारजनमा हार्दिक मंगलमय शुभकामना अर्पण गर्नुभएको छ । सशस्त्र प्रहरी महानिरीक्षक खनालले सशस्त्र प्रहरी बल, नेपाल प्रधान कार्यालयबाट असोज १६ गते सम्पूर्ण सशस्त्र प्रहरी कर्मचारीहरुलाई शुभकामना दिनुहुँदै सुख, शान्ति, समृद्धि एवं दिर्घायुको कामना गर्नुभयो । सशस्त्र प्रहरी महानिरीक्षक खनालको शुभकामना सन्देशलाई सशस्त्र प्रहरी बल, नेपालले प्रयोगमा ल्याएको ‘लाइभ भिडियो स्ट्रीमिङ’, इन्ट्रानेट तथा सशस्त्र प्रहरी संचारद्वारा देशभर सशस्त्र प्रहरी बल, नेपालका इकाईहरुमा प्रत्यक्ष प्रसारण गरिएको थियो । सशस्त्र प्रहरी महानिरीक्षक खनालले त्यसअवसरमा नजिकिदै आएको चाडपर्वको समयमा हुन सक्ने विभिन्न अपराधिका कृयाकलापहरुलाई मध्यनजर राख्दै आ-आफ्नो जिम्मेवारी ईलाकामा सुरक्षाको भरपर्दो व्यवस्था मिलाउन निर्देशन समेत दिनुभयो । उहाँले राष्ट्र र जनताको सेवा र सुरक्षामा प्राणोत्सर्ग गर्ने अमर सशस्त्र प्रहरीको त्यागको स्मरण गर्नुुहुँदै उहाँहरुको योगदानले नै सशस्त्र प्रहरी बल, नेपाल आज यो स्थानसम्म आई पुगेको बताउनुभयो । सशस्त्र प्रहरी महानिरीक्षक खनालले व्यक्तिगत स्वार्थ भन्दा पनि देश र जनताको सेवा र सुरक्षा नै हाम्रो पहिलो प्राथमिकता हो भन्नुहुँदै जनताले हर्षोल्लासकासाथ चाडपर्व मनाउने वातावरणको सिर्जना गर्दै थप सजकताकासाथ परिचालन हुन निर्देशन दिनुभयो । सशस्त्र प्रहरी महानिरीक्षक खनालले चाडपर्वको बेला स्वदेश तथा विदेशबाट आउने नागरिकको सहयोगका लागि देशका विभिन्न भागहरुमा सहायता कक्ष स्थापना गरि सेवा प्रदान गरिएको कुरा समेत बताउनुभयो । उहाँले राष्ट्र र संगठनले मलाई के दियो भन्दा पनि मैले राष्ट्र र संगठनलाई के दिन सक्छु भन्ने भावनकासाथ अगाडी बढ्नुपर्ने बताउनुहुँदै देश र जनताको सेवा, सुरक्षा तथा आपतविपद्मा उद्वार कार्यमा कटिबद्ध भई लाग्नुपर्ने बताउनुभयो । कार्यक्रममा सशस्त्र प्रहरी अधिकृत तथा विल्लादार जवानहरुको उपस्थिती रहेको थियो ।

काठमाडौं, नेपाल एपीएफ स्कूल कीर्तिपुरले अभिभावक दिवसको अवसरमा असोज १६ गते विविध कार्यक्रमको आयोजना गरेको छ । सशस्त्र प्रहरी बल, नेपाल प्रधान कार्यालय हल्चोक स्वयम्भुस्थित नेपाल एपीएफ क्लव हलमा आयोजित उक्त कार्यक्रमको सशस्त्र प्रहरी महानिरीक्षक शैलेन्द्र खनालले पानसमा द्विप प्रज्वलन गरी उद्घाटन गर्नुभयोे । सशस्त्र प्रहरी महानिरीक्षक खनालले त्यसअवसरमा विद्यालयको गत शैक्षिक सत्रमा उत्कृष्ट नतिजा हासिल गर्ने छात्रछात्राहरुलाई पुरस्कार प्रदान गर्नुभयो । त्यसअवसरमा उहाँले आजका बालबालिका भोलीका कर्णधार हुन् भन्नुहुँदै बिद्यार्थीबर्गले उच्च अनुशासनमा रहि शिक्षा आर्जन गर्न मेहनतकासाथ लाग्नुपर्ने बताउनुभयो । बालबालिकाको पहिलो पाठशाला नै घरपरिवार भएको बताउनुहुँदै सशस्त्र प्रहरी महानिरीक्षक खनालले विद्यार्थीको मनोभावनालाई बुझेर अभिभावकबर्गले समेत उचित अध्यापन गराउनु जरुरी रहेको बताउनुभयो । उहाँले हरेक अभिभावकले आफ्ना सन्ततीलाई असल शिक्षाका लागि विद्यालय पठाउने गरेको चर्चा गर्नुहँुदै सोही अनुरुप शिक्षक, शिक्षिकाहरुले समेत आफ्ना विद्यार्थीहरुलाई उच्च अनुशासनमा राख्दै आफ्नो जिम्मेवारी पुरा गर्नुपर्ने बताउनुभयो । सशस्त्र प्रहरी महानिरीक्षक खनालले गुणस्तरीय शिक्षा आजको आवश्यकता रहेको बताउनुहुँदै विद्यार्थीबर्गले पनि अथक मेहनत र परिश्रमकासाथ प्रतिस्पर्धाको भावनाले अगाडी बढ्नुपर्ने बताउनुभयो । विद्यालय व्यवस्थापन समितिका अध्यक्ष सशस्त्र प्रहरी अतिरिक्त महानिरीक्षक रामशरण पौडेलले धन्यवाद ज्ञापनको क्रममा नेपाल एपीएफ स्कूलले बिद्यार्थीहरुलाई उत्कृष्ट शिक्षा प्रदान गर्न मेहनतका साथ लागिरहेको बताउनुभयो । उहाँले नेपाल एपीएफ स्कुलको स्तरबृद्धिका लागि कीर्तीपुर नगरपालिकाले गरेको सहयोगको प्रशंसा गर्नुहुँदै विद्यार्थीहरुको पठन पाठनमा समेत सहजता हुने कुरा बताउनुभयो । कार्यक्रममा विद्यालयका सह-प्रधानाध्यापक युवराज पराजुलीले स्वागत मन्तव्य व्यक्त गर्नुहुँदै नेपाल एपीएफ स्कुलले विभिन्न अतिरिक्त क्रियाकलापहरुमा उत्कृष्ट नतिजा हासिल गर्दै आएको चर्चा गर्नुभयो । उहाँले सशस्त्र प्रहरी बल नेपाल, शिक्षक, विद्यार्थी र अभिभावक लगायत सबैको सामुहिक प्रयासमा स्कूलले आगामी दिनहरुमा अझै उत्कृष्ट परिणाम हासिल गर्ने विश्वास व्यक्त गर्नुभयो । कार्यक्रममा विद्यार्थीहरुले गायन, नृत्य, नाटक लगायतका विभिन्न सांस्कृतिक प्रस्तुती गर्नुकासाथै आफुमा निहित प्रतिभाहरु प्रदर्शन गरेका थिए ।

रौतहट, रौतहट जिल्लाको बौधीमाई नगरपालिका ७ स्थित बंंकुलबाट असोज १५ गते एपीएफ टोलीले चोरीपैठारीको लत्ताकपडा बरामद गरेको छ । भारतबाट अवैध रुपले मोटरसाईकलमा राखेर नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल बोर्डर आउट पोष्ट समरजुवाबाट खटिएको एपीएफ टोलीले बरामद गरेको हो । बरामद लत्ताकपडा तथा उक्त मोटरसाईकल स्थानीय भन्सार कार्यालयमा बुझाईएको छ । लत्ताकपडा तथा मोटरसाईकलको भन्सार दाखिला मूल्य एक लाख ३८ हजार ६ सय रुपैयाँ रहेको छ ।

सप्तरी, सप्तरी जिल्लाको राजविराज नगरपालिका ११ स्थित सिंयोन चोकबाट असोज १५ गते एपीएफ टोलीले करीव एक लाख १९ हजार रुपैयाँ बराबरको चोरीपैठारीको राजनी गन्धा बरामद गरेको छ । भारतबाट अवैध रुपमा नेपालतर्फ ल्याउँदै गरेको उल्लेखित मुल्य बराबरको २ कार्टुन रजनी गन्धा सशस्त्र प्रहरी बल, नेपाल नम्बर ६ गण हेक्वा सप्तरीबाट खटिएको एपीएफ टोलीले बरामद गरेको हो । बरामद रजनी गन्धा एपीएफ टोलीले आवश्यक कारवाहीको लागि राजविराज भन्सार कार्यालय सप्तरीमा बुझाएको छ ।

महोत्तरी, महोत्तरी जिल्लाको जलेश्वर नगरपालिका ८ स्थित विषनपुरबाट असोज १४ गते एपीएफ टोलीले करीव एक लाख ९८ हजार रुपैयाँ बराबरको चोरीपैठारीको चौपाया बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको ३२ वटा खसी सशस्त्र प्रहरी बल, नेपाल नम्बर ९ गण हेक्वा महोत्तरीबाट सशस्त्र प्रहरी उपरीक्षक निरकृष्ण अधिकारीको कमाण्डमा खटिएको एपीएफ टोलीले बरामद गरेको हो । एपीएफ टोलीले बरामद चौपाया आवश्यक कारवाहीको लागि जलेश्वर भन्सार कार्यालय महोत्तरीमा बुझाएको छ ।

काठमाडौं, पर्सा जिल्लाको बीरगंज महानगरपालिका १६ स्थित ईनरुवाबाट असोज १४ गते एपीएफ टोलीले करीव तीन लाख ८६ हजार रुपैयाँ बराबरको चोरीपैठारीको सामान बरामद गरेको छ । मोटरसाईकलमा राखेर भारतबाट अवैध रुपले नेपालतर्फ ल्याउँदै गरेको अवस्थामा उल्लेखित मुल्य बराबरको लत्ताकपडा तथा किराना सामान सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले बरामद गरेको हो । यसैगरी सशस्त्र प्रहरी बल, नेपाल नम्बर ११ गण हेक्वा रौतहटबाट खटिएको एपीएफ टोलीले असोज १४ गते करीव एक लाख ६७ हजार रुपैयाँ बराबरको सामान बरामद गरेको छ । रौतहट जिल्लाको गौरबाट चपुरतर्फ जाँदै गरेको ना ३ ख ९८२४ नम्बरको यात्रुवाहक बसमा लैजाँदै गरेको उल्लेखित मुल्य बराबरको लत्ताकपडा तथा किराना सामान एपीएफ टोलीले रौतहट जिल्लाको गौर नगरपालिका ८ स्थित बसपार्क ईलाकाबाट बरामद गरेको हो । एपीएफ टोलीले बरामद सामान गौर भन्सार कार्यालय रौतहटमा बुझाएको छ । यसैगरी पश्चिम नवलपरासी जिल्लाको पाल्हीनन्दन गाउँपालिका ३ स्थित कुस्माबाट असोज १४ गते एपीएफ टोलीले एक लाख ४३ हजार रुपैयाँ बराबरको चोरीपैठारीकोे सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको लत्ताकपडा तथा किराना सामान सशस्त्र प्रहरी बल, नेपाल नम्बर २६ गण हेक्वा पश्चिम नवलपरासीबाट खटिएको एपीएफ टोलीले बरामद गरेको हो । बरामद सामान एपीएफ टोलीले स्थानीय भन्सार कार्यालयमा बुझाएको छ ।

टोलीद्वारा चोरीपैठारीको औषधी बरामद कैलाली, कैलाली जिल्लाको भजनी नगरपालिका ३ मौरियाभाटबाट असोज १२ गते एपीएफ टोलीले करीब पाँच लाख ४९ हजार रुपैयाँ बराबरको चोरीपैठारीको औषधी बरामद गरेको छ । भारतबाट अवैध रुपले भन्सार छली ल्याउँदै गरेको अवस्थामा उल्लेखित मूल्य बराबरको ओरियनस कम्पनीको औषधी सशस्त्र प्रहरी बल, नेपाल बोर्डर आउट पोष्ट भजनीबाट खटिएको एपीएफ टोलीले बरामद गरेको हो । लाली, कैलाली जिल्लाको भजनी नगरपालिका ३ मौरियाभाटबाट असोज १२ गते एपीएफ टोलीले करीब पाँच लाख ४९ हजार रुपैयाँ बराबरको चोरीपैठारीको औषधी बरामद गरेको छ । भारतबाट अवैध रुपले भन्सार छली ल्याउँदै गरेको अवस्थामा उल्लेखित मूल्य बराबरको ओरियनस कम्पनीको औषधी सशस्त्र प्रहरी बल, नेपाल बोर्डर आउट पोष्ट भजनीबाट खटिएको एपीएफ टोलीले बरामद गरेको हो ।

महोत्तरी, महोत्तरी जिल्लाको मटीहानी नगरपालिका ९ स्थित हनुमान चोक ईलाकाबाट असोज १३ गते एपीएफ टोलीले एक लाख चार हजार रुपैयाँ बराबरको एक के.जी. चार सय १६ ग्राम चाँदीसहित दुई जनालाई पक्राउ गरेको छ । पक्राउ पर्नेहरुमा भारतमा घर बताउने २७ बर्षिय सुनिलकुमार ठाकुर र २० बर्षिय रोहितकुमार साह छन् । सशस्त्र प्रहरी बल, नेपाल नम्बर ९ गणबाट खटिएको एपीएफ टोलीले उनीहरुलाई उक्त चाँदीसहित पक्राउ गरेको हो । भारतीय नम्बर बी आर ३० एम ७९९० नम्बरको मोटरसाइकलमा सवार उनीहरुलाई जाँद गर्दा उक्त चाँदी फेला परेपछि उनीहरुलाई पक्राउ गरिएको हो । एपीएफ टोलीले त्यसवेला उनीहरुले प्रयोग गरेको उक्त मोटरसाइकल समेत बरामद गरेको छ ।

काठमाडौं, झापा जिल्लाको भद्रपुर नगरपालिका ५ र मेचीनगर नगरपालिका १३ धाईजनबाट असोज १२ गते एपीएफ टोलीले करीब ५ लाख ५२ हजार रुपैयाँ बराबरको विभिन्न किसिमको चोरीपैठारीको सामान बरामद गरेको छ । भारतबाट अवैध रुपले भन्सार छली ल्याउँदै गरेको अवस्थामा लत्ताकपडा, हार्डवेयरका सामान तथा किराना सामानहरु सशस्त्र प्रहरी बल, नेपाल नम्बर २ गण हेक्वा झापाबाट खटिएको एपीएफ टोलीले बरामद गरेको हो । बरामद सामान मेची भन्सार कार्यालय काँकडभिट्टामा बुझाइएको छ । यसैगरी बाँके जिल्लाको नरैनापुर गाँउपालिका ६ स्थित जमुनीबाट असोज १३ गते एपीएफ टोलीले करीब एक सय ५० क्वीन्टल चोरीनिकासीको केराउसहित एउटा ट्रयाक्टर बरामद गरेको छ । भे १ त ९७५४, भे १ त ५०१२ र भे १ त ७४७५ नम्बरको ट्रयाक्टरमा अवैध रुपले सेतो केराउ लैजाँदै गरेको अवस्थामा सशस्त्र प्रहरी बल, नेपाल बोर्डर आउट पोष्ट गंगापुरबाट खटिएको एपीएफ टोलीले उक्त केराउसहित उल्लेखित ट्रयाक्टरसमेत बरामद गरेको हो । एपीएफ टोलीले बरामद ट्रयाक्टर तथा केराउ स्थानीय भन्सार कार्यालयमा बुझाएको छ । ट्रयाक्टर र केराउको भन्सार दाखिला मूल्य २५ लाख ४७ हजार ५ सय रुपैयाँ रहेको छ । यसैगरी सशस्त्र प्रहरी बल, नेपाल बोर्डर आउट पोष्ट भोक्राहाबाट खटिएको एपीएफ टोलीले सुनसरी जिल्लाको नरसिंह गाँउपालिका ६ फुलचोकबाट असोज १३ गते करीब दुई लाख ९६ हजार रुपैयाँ बराबरको चोरीपैठारीको लत्ताकपडा बरामद गरेको छ । एपीएफ टोलीले बरामद लत्ताकपडा स्थानीय भन्सार कार्यालयमा बुझाएको छ ।

कञ्चनपुर, कञ्चनपुर जिल्लाको भिमदत्त नगरपालिका १० बाट असोज १२ गते एपीएफ टोलीले विभिन्न किसिमको लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको भिमदत्त नगरपालिका ४ बस्ने २४ बर्षिय पवन धानुक छन् । सशस्त्र प्रहरी बल, नेपाल नम्बर ५६ गुल्म हेक्वा कञ्चनपुरबाट खटिएको एपीएफ टोलीले जाँच गर्ने क्रममा निज धानुकको साथमा रेक्सोजेसिक १६ वटा, फेनारगन १६ वटा र एउटा डाईजिल्याव फेला परेपछि उनलाई पक्राउ गरिएको हो ।

काठमाडौं, सुनसरी जिल्लाको कोशी गाउँपालिका ८ बाट असोज १२ गते एपीएफ टोलीले करीब पाँच लाख ९० हजार रुपैयाँ बराबरको चोरीपैठारीको विभिन्न किसिमको लत्ताकपडा बरामद गरेको छ । सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको एपीएफ टोलीले धरानबाट काठमाडौंतर्फ आउँदै गरेको ना ६ ख ९४८९ नम्बरको यात्रुवाहक बसमा जाँच गर्ने क्रममा उक्त लत्ताकपडाको कुनै कागजपत्र फेला नपरेपछि बरामद गरिएको हो । बरामद लत्ताकपडा स्थानीय भन्सार कार्यालयमा बुझाइएको छ । यसैगरी सशस्त्र प्रहरी बल, नेपाल नम्बर १४ गुल्म हेक्वा बिरगंजबाट खटिएको एपीएफ टोलीले असोज १२ गते करीब एक लाख ८३ हजार रुपैयाँ बराबरको चोरीपैठारीको लत्ताकपडा र भाडावर्तन बरामद गरेको छ । भारतबाट अवैध रुपले भन्सार छली ल्याउँदै गरेको अवस्थामा उक्त सामान बिरगंज महानगरपालिका १६ बाईपास रोड ईलाकाबाट बरामद गरिएको हो । बरामद सामान एपीएफ टोलीले भन्सार कार्यालय बिरगंजमा बुझाएको छ ।

काठमाडौं, बारा जिल्लाको कलैया उपमहानगरपालिका १६ स्थित हनुमान चोकबाट असोज १० गते एपीएफ टोलीले करीव आठ लाख रुपैयाँ बराबरको लत्ताकपडा बरामद गरेको छ । बाराको सिम्रौनागढबाट ना ६ ख ४१४५ नम्बर यात्रुवाहक बसमा लुकाई छिपाई काठमाडौंतर्फ ल्याउँदै गरेको उल्लेखित मुल्य बराबरको दुई हजार पाँच ३१ पिस लेडिज कुर्ता सुरुवाल सशस्त्र प्रहरी बल, नेपाल नम्बर १२ गण हेक्वा बाराबाट खटिएको एपीएफ टोलीले बरामद गरेको हो । यसैगरी सशस्त्र प्रहरी बल, नेपाल नम्बर ४ गण हेक्वा सुनसरीबाट खटिएको एपीएपफ टोलीले असोज १० गते चोरीपैठारीको लत्ताकपडा तथा किराना सामान बरामद गरेको छ । को २ ह ५२१९ नम्बरको अटो रिक्सामा राखी भारतबाट नेपालतर्फ ल्याउँदै गरेको उक्त सामान एपीएफ टोलीले सुनसरी जिल्लाको कोशी गाउँपालिका ८ स्थित कोशी व्यारेजबाट बरामद गरेको हो । बरामद सामान तथा उक्त अटो रिक्साको अन्दाजी मुल्य करीव तीन लाख ४७ हजार रुपैयाँ रहेको छ ।

सुनसरी, सुनसरी जिल्लाको देवानगञ्ज गाउँपालिका ५ स्थित साहेवगञ्जबाट एपीएफ टोलीले करीव चार लाख ३० हजार रुपैयाँ बराबरको चोरीपैठारीको आयुर्बेदिक औषधी बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको वरिन्स वयदग्रास ५५ वटा, वरिन्स आसपरोसेग्रास १ सय ६३ वटा र ६ वटा वरिकेयर सशस्त्र प्रहरी बल, नेपाल बोर्डर आउट पोष्ट साहेजगञ्जबाट खटिएको एपीएफ टोलीले बरामद गरेको हो । बरामद आयुर्बेदिक औषधी एपीएफ टोलीले स्थानीय भन्सार कार्यालयमा बुझाएको छ ।