समाचार

काठमाडौं, बाँके जिल्लाको जानकी गाउँपालिका १ स्थित साईगाउँबाट मंसीर २० गते एपीएफ टोलीले करीव दुई लाख ५२ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल नम्बर ३० गण हेक्वा बाँकेबाट खटिएको एपीएफ टोलीले बरामद गरेको हो । एपीएफ टोलीले बरामद लत्ताकपडा भन्सार कार्यालय नेपालगञ्जमा बुझाएको छ । यसैगरी सशस्त्र प्रहरी बल, नेपाल नम्बर ३८ गुल्म हेक्वा रुपन्देहीबाट खटिएको एपीएफ टोलीले करीव एक लाख एक हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा एपीएफ टोलीले रुपन्देही जिल्लाको सिद्धार्थ नगरपालिका १ स्थित डण्डा ईलाकाबाट बरामद गरेको हो । बरामद लत्ताकपडा भन्सार कार्यालय भैरहवामा बुझाईएको छ । यसैगरी कञ्चनपुर जिल्लाको बेलौरी नगरपालिका ६ स्थित हात्तीबोझाबाट मंसीर २० गते एपीएफ टोली र नेपाल प्रहरीले करीव तीन लाख ३० हजार रुपैयाँ बराबरको चोरीपैठारीको प्याज बरामद गरेको छ । लु २ च ६०३० नम्बरको बलेरो पिकअप गाडीमा भारतबाट अवैध रुपले नेपालतर्फ ल्याउँदै गरेको उक्त प्याज सशस्त्र प्रहरी बल, नेपाल बोर्डर आउट पोष्ट बेलौरीबाट खटिएको एपीएफ टोली र नेपाल प्रहरीले बरामद गरेको हो ।

रौतहट, रौतहट जिल्लाको ईशनाथ नगरपालिका १ स्थित दशगजा ईलाकाबाट मंसीर २० गते एपीएफ टोलीले चोरीनिकासीको करीव १० कार्टुन मदिरा बरामद गरेको छ । बीआर ०५ डब्लु ०४३३ नम्बरको भारतीय मोटरसाईकलमा राखी नेपालबाट अवैध रुपले भारततर्फ लैजाँदै गरेको उक्त मदिरा सशस्त्र प्रहरी बल, नेपाल बोर्डर आउट पोष्ट औरैयाबाट खटिएको एपीएफ टोलीले बरामद गरेको हो । बरामद मदिरा तथा उक्त मोटरसाईकल गौर भन्सार कार्यालय रौतहटमा बुझाईएको छ । उक्त मदिरा तथा मोटरसाईकलको भन्सार दाखिला मुल्य करीव एक लाख ८७ हजार रुपैयाँ रहेको छ ।

काठमाडौं, झापा जिल्लाको मेचीनगर नगरपालिका ५ स्थित सीमा ईलाकाबाट मंसीर १९ गते एपीएफ टोलीले करीव तीन लाख ८७ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको लत्ताकपडा तथा किराना सामान सशस्त्र प्रहरी बल, नेपाल नम्बर ८ गुल्म हेक्वा झापाबाट खटिएको एपीएफ टोलीले बरामद गरेको हो । एपीएफ टोलीले बरामद सामान भन्सार कार्यालय काँकडभिट्टामा बुझाएको छ । यसैगरी सशस्त्र प्रहरी बल, नेपाल बोर्डर आउट पोष्ट देवडीयाबाट खटिएको एपीएफ टोलीले मंसीर १९ गते करीव दुई लाख तीन हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको सुर्तीजन्य पदार्थ, मोटर पाटर््स तथा लत्ताकपडा एपीएफ टोलीले धनुषा जिल्लाको जनकपुर उपमहानगरपालिका २० स्थित देवपुरा रुपैठाबाट बरामद गरेको हो । यसैगरी बाँके जिल्लाको नेपालगंज उपमहानगरपालिका १५ स्थित टंकपसरीबाट मंसीर १९ गते एपीएफ टोलीले करीव एक लाख ८१ हजार रुपैयाँ बराबरको चोरीपैठारीको कस्मेटिक सामान बरामद गरेको छ । भारतबाट नेपालतर्फ ल्याउँदै गरेको उक्त कस्मेटिक सामान सशस्त्र प्रहरी बल, नेपाल बोर्डर आउट पोष्ट कालाबञ्जारबाट खटिएको एपीएफ टोलीले बरामद गरेको हो । बरामद सामान भन्सार कार्यालय नेपालगञ्जमा बुझाईएको छ । यसैगरी सशस्त्र प्रहरी बल, नेपाल नम्वर ३० गण हेक्वा बाँकेबाट खटिएको एपीएफ टोलीले मंसीर १९ गते करीव एक लाख १७ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा एपीएफ टोलीले बाँके जिल्लाको नेपालगञ्ज उपमहानगरपालिका १४ स्थित बालेगाँउबाट बरामद गरेको हो । बरामद लत्ताकपडा भन्सार कार्यालय नेपालगञ्जमा बुझाईएको छ ।

महोत्तरी, महोत्तरी जिल्लाको जलेश्वर नगरपालिका ६ स्थित सानो धवौलीबाट मंसीर १७ गते एपीएफ टोलीले विभिन्न किसिमका लागूऔषधसहित दुई जनालाई पक्राउ गरेको छ । पक्राउ पर्नेहरुमा सोहि जिल्लाको एकडाँडा गाउपालिका ३ बस्ने २४ वर्षिय पप्पुकुमार मण्डल र जलेश्वर नगरपालिका ६ सानो धवौली बस्ने ३२ वर्षिय रोशनकुमार मण्डल छन् । उनीहरुलाई सशस्त्र प्रहरी बल, नेपाल बोर्डर आउट पोष्ट जलेश्वरबाट खटिएको एपीएफ टोलीले पक्राउ गरेको हो । ज १२ प ८३४ नम्बरको मोटरसाईकलमा भारतबाट नेपालतर्फ आउँदै गरेका पप्पुकुमार मण्डललाई गस्तीमा खटिएको एपीएफ टोलीले शंका लागि जाँच गर्दा उनको साथमा प्रोमेथाईजीन हाईड्रोक्लोराईड ईन्जेक्सन ९८ वटा, बुप्रेनोर्फिन ईन्जेक्सन १ सय वटा, डाईजापाम ईन्जेक्सन १ सय वटा र नाईट्राजेपाम ट्याब्लेट ९ सय वटा फेला परेको तथा सो लागूऔषधसंग रोशनकुमार मण्डलको समेत संलग्नता रहेको खुल्न आएपछि दुवै जनालाई पक्राउ गरिएको हो । एपीएफ टोलीले पक्राउ परेकाहरुलाई बरामद लागूऔषध तथा उक्त मोटरसाईकलसहित आवश्यक कारवाहीको लागि जिल्ला प्रहरी कार्यालय महोत्तरीमा बुझाएको छ ।

महोत्तरी, महोत्तरी जिल्लाको सम्सी गाउँपालिका ६ स्थित सीमा ईलाकाबाट मंसीर १७ गते एपीएफ टोलीले करीव दुई लाख ४० हजार रुपैयाँ बराबरको चोरीपैठारीको ल्यापटप बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको चार वटा ल्यापटप सशस्त्र प्रहरी बल, नेपाल बोर्डर आउट पोष्ट सम्सीबाट खटिएको एपीएफ टोलीले बरामद गरेको हो । बरामद ल्यापटप जलेश्वर भन्सार कार्यालय महोत्तरीमा बुझाईएको छ ।

काठमाडौं, सर्लाही जिल्लाको मलंगवा नगरपालिका ५ स्थित उर्लैयाबाट मंसीर १७ गते एपीएफ टोलीले करीव चार लाख १० हजार रुपैयाँ बराबरको चोरीपैठारीको साउण्ड सिस्टम बरामद गरेको छ । भारतबाट अवैध रुपले रथमा राखेर ल्याउँदै गरेको उक्त साउण्ड सिस्टम सशस्त्र प्रहरी बल, नेपाल बोर्डर आउट पोष्ट खुटौनाबाट खटिएको एपीएफ टोलीले बरामद गरेको हो । एपीएफ टोलीले बरामद साउण्ड सिस्टम तथा रथ भन्सार कार्यालय मलंगवामा बुझाएको छ । उक्त रथको भन्सार दाखिला मुल्य तीन लाख रुपैयाँ रहेको छ । यसैगरी झापा जिल्लाको हल्दीवारी गाउँपालिका ४ स्थित कञ्चनश्रीबाट मंसीर १६ गते एपीएफ टोलीले चोरीपैठारीको सामान बरामद गरेको हो । मे ४ प ७९४ नम्वरको मोटरसाईकलमा भारतबाट अवैध रुपले नेपालतर्फ ल्याउदै गरेको उल्लेखित मुल्य बराबरको मोटर पार्ट्स र लत्ताकपडा सशस्त्र प्रहरी बल, नेपाल नम्वर २ गण हेक्वा झापाबाट खटिएको एपीएफ टोलीले बरामद गरेको हो । एपीएफ टोलीले बरामद सामान तथा मोटरसाईकल मेची भन्सार कार्यालय काँकडभिट्टामा बुझाएको छ । उक्त सामानको भन्सार दाखिला मुल्य दुई लाख २८ हजार दुई सय ७१ रुपैयाँ रहेको छ । यसैगरि सशस्त्र प्रहरी बल, नेपाल नम्वर ८ गुल्म हेक्वा झापाबाट खटिएको एपीएफ टोलीले मंसीर १६ गते करीव एक लाख ४८ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको मोटर पार्ट्स तथा ईलेक्ट्रोनिक सामान एपीएफ टोलीले झापा जिल्लाको मेचीनगर नगरपालिका ७ स्थित जोरसिमलबाट बरामद गरेको हो । एपीएफ टोलीले बरामद सामान मेची भन्सार कार्यालय काँकडभिट्टामा बुझाएको छ ।

झापा, झापा जिल्लाको मेचीनगर नगरपालिका ३ स्थित बर्मेली टोलबाट मंसीर १६ गते एपीएफ टोली र नेपाल प्रहरीले चोरीनिकासीको करीव चार हजार पाँच सय ८० के.जी. बराबरको ७७ बोरा सुपारी बरामद गरेको छ । नेपालबाट अवैध रुपले १६ वटा साईकलमा राखेर भारततर्फ लैजादै गरेको उक्त सुपारी सशस्त्र प्रहरी बल, नेपाल नम्वर २ गण हेक्वा झापाबाट खटिएको एपीएफ टोली र नेपाल प्रहरीले बरामद गरेको हो । बरामद सुपारी तथा उक्त साईकल मेची भन्सार कार्यालय काँकडभिट्टामा बुझाईएको छ । उक्त सुपारी तथा साईकलको भन्सार दाखिला मुल्य ११ लाख ६९ हजार रुपैयाँ रहेको छ ।

काठमाडौं, बारा जिल्लाको सुवर्ण गाउँपालिका ३ स्थित सन्तगंजबाट मंसीर १५ गते एपीएफ टोलीले करीव तीन लाख ५० हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले मोटरसाईकलमा राखेर नेपालतर्फ ल्याउदै गरेको उल्लेखित मुल्य बराबरको लत्ताकपडा तथा भाडावर्तन सशस्त्र प्रहरी बल, नेपाल बोर्डर आउट पोष्ट कबहीगोठबाट खटिएको एपीएफ टोलीेले बरामद गरेको हो । त्यसबेला सामान ल्याउने व्यक्ति एपीएफ टोलीलाई देख्नासाथै उक्त सामान छाडि भागि फरार भएका थिए । यसैगरि रौतहट जिल्लाको गौर नगरपालिका ८ स्थित बडहराबाट मंसीर १६ गते एपीएफ टोलीले करीव दुई लाख आठ हजार रुपैयाँ बराबरको लत्ताकपडा बरामद गरेको छ । गौरबाट काँकडभिट्टातर्फ जाँदै गरेको ना ३ ख ५०३४ नम्वरको यात्रुवाहक बसबाट उक्त लत्ताकपडा सशस्त्र प्रहरी बल, नेपाल बोर्डर आउट पोष्ट गौरबाट खटिएको एपीएफ टोलीले बरामद गरेको हो । यसैगरि सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको एपीएफ टोलीले मंसीर १६ गते सुनसरी जिल्लाको कोशी गाउँपालिका ८ स्थित तीनकुनेबाट करीव एक लाख ३६ हजार रुपैयाँ बराबरको लत्ताकपडा बरामद गरेको छ । काँकडभिट्टाबाट काठमाडौंतर्फ आउँदै गरेको ना ३ ख ८९०९ नम्वरको यात्रुवाहक बसमा एपीएफ टोलीले शंका लागि जाँच गर्दा उक्त लत्ताकपडाको बिल नभेटिएपछि बरामद गरिएको हो । बरामद लत्ताकपडा सेतुबन्धु मुल भन्सार कार्यालय कोशी व्यारेज सुनसरीमा बुझार्ईएको छ ।

बारा, बारा जिल्लाको सिम्रौनगढ नगरपालिका ६ बाट मंसीर १३ गते एपीएफ टोलीले चोरीनिकासीको छोकडासहित तीन जनालाई पक्राउ गरेको छ । पक्राउ पर्नेहरुमा सोही नगरपालिका ६ बस्ने ३५ वर्षिय प्रमोद महतो, ३३ वर्षिय राकेश कुश्वाहा र १९ वर्षिय दिपककुमार कुश्वाहा छन् । नेपालबाट अवैध रुपले भारततर्फ लैजाँदै गरेको अवस्थमा पाँच क्वीन्टल ५० के.जी. छोकडासहित उनीहरुलाई सशस्त्र प्रहरी बल, नेपाल नम्बर २ छिन्नमस्ता बाहिनी मुख्यालय महोत्तरीबाट खटिएको एपीएफ टोलीले पक्राउ गरेको हो । उक्त छोकडाको भन्सार दाखिला मुल्य करीव ७४ हजार रुपैयाँ रहेको छ ।

मकवानपुर, मकवानपुर जिल्लाको हेटौडा उपहानगरपालिका १५ स्थित नयाँबस्तीबाट मंसीर १२ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा सोही उपमहानगरपालिका २ संगम चोक बस्ने ३२ वर्षिय रामजी बानियाँ छन् । उनलाई सशस्त्र प्रहरी बल, नेपाल नम्बर १४ गण हेक्वा मकवानपुरबाट खटिएको एपीएफ टोलीले पक्राउ गरेको हो । ना ४ ख ६१५४ नम्बरको यात्रुवाहक बसमा सवार निज बानियाँलाई शंका लागि जाँच गर्दा उनको साथमा डाईजोपाम १ सय ५० वटा, फेनारागन १ सय ५० वटा र १ सय ५० वटा नोफिन फेला परेपछि पक्राउ गरिएको हो । एपीएफ टोलीले त्यसवेला उनको साथबाट करीव एक लाख १२ हजार रुपैयाँ बराबरको अवैध लत्ताकपडा समेत बरामद गरेको छ । एपीएफ टोलीले निज बानियाँलाई बरामद लागूऔषसहित आवश्यक कारवाहीको लागि जिल्ला प्रहरी कार्यालय मकवानपुरमा बुझाएको छ ।

पर्सा, पर्सा जिल्लाको बीरगंज महानगरपालिका १६ स्थित रजतजयन्ती चोकबाट मंसीर १३ गते एपीएफ टोलीले करीव एक लाख ६० हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मूल्य बराबरको लत्ताकपडा तथा ईलेक्ट्रोनिक्स सामान सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले बरामद गरेको हो । बरामद सामान भन्सार कार्यालय बीरगंजमा बुझाईएको छ ।

काठमाडौं, रुपन्देही जिल्लाको सिद्धार्थनगर नगरपालिका २ स्थित जंगल टोलबाट एपीएफ टोलीले मंसीर ११ गते करीव दुई लाख ५५ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको ईलेक्ट्रोनिक्स सामान तथा प्रिन्टर सशस्त्र प्रहरी बल, नेपाल नम्बर ३८ गुल्म हेक्वा रुपन्देहीबाट सशस्त्र प्रहरी नायव उपरीक्षक मानबहादुर शाहीको कमाण्डमा खटिएको एपीएफ टोलीले बरामद गरेको हो । बरामद सामान एपीएफ टोलीले आवश्यक कारवाहीको लागि भैरहवा भन्सार कार्यालयमा बुझाएको छ । यसैगरी सशस्त्र प्रहरी बल, नेपाल नम्बर ७ गण हेक्वा सिरहाबाट खटिएको एपीएफ टोलीले मंसीर ११ गते करीव दुई लाख ६ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा एपीएफ टोलीले सिरहा जिल्लाको नवराजपुर गाउँपालिका ३ स्थित फुलवरीयाबाट बरामद गरेको हो । बरामद लत्ताकपडा मार्डर भन्सार कार्यालय सिरहामा बुझाईएको छ । यसैगरी बारा जिल्लाको पचरौता नगरपालिका ४ स्थित ईनरुवाबाट मंसीर १२ गते एपीएफ टोलीले करीव एक लाख छ हजार रुपैयाँ बराबरको चोरीपैठारीको टुथपेष्ट बरामद गरेको छ । बीआर ०५ एबी १४७२ भारतीय नम्बरको मोटरसाईकलमा भारतबाट अवैध रुपले नेपालतर्फ ल्याउँदै गरेको उक्त टुथपेष्ट सशस्त्र प्रहरी बल, नेपाल बोर्डर आउट पोष्ट वेलदारीबाट खटिएको एपीएफ टोलीले बरामद गरेको हो । त्यसवेला उक्त सामान ल्याउने व्यक्ति एपीएफ टोलीलाई देख्नासाथै सामान तथा मोटरसाईकल छाडी फरार भएका थिए ।

बाँके, बाँके जिल्लाको बैजनाथ गाउँपालिका २ स्थित पितमारीबाट मंसीर १० गते एपीएफ टोलीले करीव ८ क्यूफिट साजको गोलिया काठसहित एक जनालाई पक्राउ गरेको छ । पक्राउ पर्नेमा सोही जिल्लाको बैजनाथ गाउँपालिका ३ बस्ने ३६ वर्षिय चन्द्रबहादुर थारु छन् । सोही ठाउँको औद्योगिक क्षेत्र लिमिटेड नौवस्ताको नाममा रहेको जंगलमा काठ काटिरहेको अवस्थामा निज थारुलाई सशस्त्र प्रहरी बल, नेपाल जवान तालिम शिक्षालय नौवस्ताबाट खटिएको एपीएफ टोलीले उक्त साजको तीन वटा गोलिया काठ तथा उक्त काठ काट्न प्रयोग भएको आरासहित पक्राउ गरेको हो । एपीएफ टोलीले बरामद गोलिया काठ डिभिजन वन कार्यालय कोहलपुरबाट खटिएको टोलीलाई बुझाएको छ ।

पर्सा, पर्सा जिल्लाको पर्सागढी नगरपालिका २ कटहरीयाबाट मंसीर १० गते एपीएफ टोली र स्थानीय प्रहरीले विभिन्न किसिमका लागूऔषधसहित दुई जनालाई पक्राउ गरेको छ । पक्राउ पर्नेहरुमा बारा जिल्लाको जितपुर सिमरा उपमहानगरपालिका ३ बस्ने १९ वर्षिय अभिषेक अधिकारी र धनुषा जिल्लाको बटेश्वर गाउँपालिका ७ बस्ने ३० वर्षिय सुनिल सिंह छन् । भारतबाट मोेटरसाईकलमा नेपालतर्फ आउदै गरेका उनीहरुलाई सशस्त्र प्रहरी बल, नेपाल सुरक्षा वेश बागेश्वरी तित्रौनाबाट खटिएको एपीएफ टोली र स्थानीय प्रहरीले शंका लागि जाँच गर्दा उनीहरुको साथमा नाईट्रोजन १ पत्ता, कोरेक्स १ बोतल, स्पास्मो ७ प्याकेट र दुई सय ग्राम गाँजा फेला परेपछि उनीहरुलाई उक्त मोटरसाईकलसहित पक्राउ गरिएको हो । पक्राउ परेकाहरुलाई बरामद लागूऔषध तथा उक्त मोटरसाइकलसहित आवश्यक कारवाहीको लागि स्थानीय प्रहरीमा बुझाईएको छ ।

धनुषा, धनुषा जिल्लाको धनौजी गाउँपालिका २ स्थित महादेव भन्ने स्थानबाट मंसीर ११ गते एपीएफ टोली र भन्सार कार्यालयको कर्मचारीले करीव छ लाख ५० हजार रुपैयाँ बराबरको चोरीपैठारीको लत्ताकपडा बरामद गरेको छ । अवैध सामान भण्डारण गरी राखेको भन्ने सुचनाको आधारमा खटिएको सशस्त्र प्रहरी बल, नेपाल बोर्डर आउट पोष्ट ठाडिझिजा र सुरक्षा वेश जनकपुरबाट खटिएको एपीएफ टोली तथा भन्सार कार्यालय जनकपुरको कर्मचारीले छ वटा पोकामा रहेको उक्त लत्ताकपडा बरामद गरेको हो ।

बारा, बारा जिल्लाको देवताल गाउँपालिका ३ स्थित अमुवाबाट मंसीर ११ गते एपीएफ टोलीले करीव तीन लाख ८८ हजार रुपैयाँ बराबरको चोरीपैठारीको सामानसहित एक जनालाई पक्राउ गरेको छ । पक्राउ पर्नेमा सोही जिल्लाको देवताल गाउँपालिका १ बस्ने २४ वर्षिय चन्द्रेश्वर साह छन् । भारतबाट अवैध रुपले दुईवटा मोटरसाईकलमा राखेर नेपालतर्फ ल्याउदै गरेको उल्लेखित मुल्य बराबरको लत्ताकपडा तथा किराना सामानसहित उनलाई सशस्त्र प्रहरी बल, नेपाल नम्वर २ छिन्नमस्ता बाहिनी मुख्यालय महोत्तरी, बोर्डर आउट पोष्ट मटिअर्वा र सुरक्षा वेश बेलौनीबाट खटिएको एपीएफ टोलीले पक्राउ गरेको हो । त्यसबेला लत्ताकपडा ल्याउने व्यक्तिहरुमध्ये निज साहलाई एपीएफ टोलीले उक्त मोटरसाइकलसहित पक्राउ गरेको छ भने अर्का व्यक्ति मोटरसाइकल तथा सामान छाडी फरार भएका थिए । एपीएफ टोलीेले निज साहलाई बरामद लत्ताकपडा तथा उक्त मोटरसाईकलसहित आवश्यक कारवाहीको लागि बीरगंज भन्सार कार्यालयमा बुझाएको छ । बरामद मोटरसाईकलको भन्सार दाखिला मुल्य दुई लाख रुपैयाँ रहेको छ ।