पर्सा,
पर्सा जिल्लाको पर्सागढी नगरपालिका २ कटहरीयाबाट मंसीर १० गते एपीएफ टोली र स्थानीय प्रहरीले विभिन्न किसिमका लागूऔषधसहित दुई जनालाई पक्राउ गरेको छ ।
पक्राउ पर्नेहरुमा बारा जिल्लाको जितपुर सिमरा उपमहानगरपालिका ३ बस्ने १९ वर्षिय अभिषेक अधिकारी र धनुषा जिल्लाको बटेश्वर गाउँपालिका ७ बस्ने ३० वर्षिय सुनिल सिंह छन् ।
भारतबाट मोेटरसाईकलमा नेपालतर्फ आउदै गरेका उनीहरुलाई सशस्त्र प्रहरी बल, नेपाल सुरक्षा वेश बागेश्वरी तित्रौनाबाट खटिएको एपीएफ टोली र स्थानीय प्रहरीले शंका लागि जाँच गर्दा उनीहरुको साथमा नाईट्रोजन १ पत्ता, कोरेक्स १ बोतल, स्पास्मो ७ प्याकेट र दुई सय ग्राम गाँजा फेला परेपछि उनीहरुलाई उक्त मोटरसाईकलसहित पक्राउ गरिएको हो ।
पक्राउ परेकाहरुलाई बरामद लागूऔषध तथा उक्त मोटरसाइकलसहित आवश्यक कारवाहीको लागि स्थानीय प्रहरीमा बुझाईएको छ ।
