समाचार

बाँके,
    बाँके जिल्लाको डुडुवा गाउँपालिका २ स्थित सीमा ईलाकाबाट बैशाख १९ गते एपीएफ टोलीले २४ बोतल वीलसेरिक्स कोज सिरफ नामक लागूऔषधसहित एक जनालाई पक्राउ गरेको छ ।    
    पक्राउ पर्नेमा सोही गाउँपालिका २ बस्ने २० वर्षिय चम्पटकुमार पाल छन् । 
    उनलाई सशस्त्र प्रहरी बल नेपाल फरवार्ड वेश नयाँ बस्तीबाट खटिएको एपीएफ टोलीले शंका लागि जाँच गर्दा उनको साथमा उक्त लागूऔषध फेला परेपछि पक्राउ गरिएको हो ।
    पक्राउ परेका पाललाई एपीएफ टोलीले बरामद लागूऔषधसहित आवश्यक करावाहीको लागि स्थानीय प्रहरीमा बुझाएको छ । 

पर्सा,
    पर्सा जिल्लाको बीरगंज महानगरपालिका ३१ स्थित भेडियाही खोलाबाट बैशाख १६ गते एपीएफ टोली र सब डिभिजन वन कार्यालयका कर्मचारीले करीव एक लाख नौ हजार रुपैयाँ बराबरको सालको गोलिया काठसहित एक जनालाई पक्राउ गरेको छ । 
    पक्राउ पर्नेमा सोही जिल्लाको पर्सागढी नगरपालिका ४ पर्शुरामपुर बस्ने असलम देवान छन् ।
    दुई वटा साईकलमा राखी ल्याउँदै गरेको उल्लेखित मुल्य बराबरको ३१ क्यूफिट सालको गोलिया काठसहित निज देवानलाई सशस्त्र प्रहरी बल नेपाल सुरक्षा वेश बेलवाबाट खटिएको एपीएफ टोली र सव डिभिजन वन कार्यालय सबैयाका कर्मचारीले पक्राउ गरिएको हो । 
    त्यसवेला काठ ल्याउदै गरेका अन्य व्यक्तिहरु गस्तीमा रहेको एपीएफ टोली देख्नासाथै उक्त काठ छाडी फरार भएका थिए । 
    पक्राउ परेका निज देवानलाई बरामद काठसहित आवश्यक कारवाहीको लागि सव डिभिजन वन कार्यालय सबैयामा बुझाईएको छ । 
 

काठमाडौं,
    ईलाम जिल्लाको माई नगरपालिका ३ स्थित रबरडाँडाबाट बैशाख १० गते एपीएफ टोलीले ०.८० ग्राम ब्राउन सुगरसहित दुई जनालाई पक्राउ गरेको छ । 
    पक्राउ पर्नेहरुमा सोही जिल्लाको माई नगरपालिका ४ कालीखोला बस्ने १९ बर्षिय बिराज लिम्बु र झापा जिल्लाको अर्जुनधारा नगरपालिका ३ बस्ने २९ बर्षिय सन्जिब राई छन् । 
    उनीहरुलाई सशस्त्र प्रहरी बल नेपाल सुरक्षा बेस दानाबारीबाट खटिएको एपीएफ टोलीले पक्राउ गरेको हो । 
    बा ५ प ९६३५ नम्बरको मोटरसाइकलमा सवार उनीहरुलाई एपीएफ टोलीले शंका लागि जाँच गर्दा उनीहरुको साथमा उल्लेखित परिमाणको ब्राउन सुगर फेला परेपछि पक्राउ गरिएको हो । 
    एपीएफ टोलीले त्यसवेला उनीहरुको साथबाट मोबाईल सेट दुई वटा र नौ सय रुपैयाँ समेत बरामद गरेको छ । 
    पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाइएको छ । 
    यसैगरी सिरहा जिल्लाको नवराजपुर गाँउपालिका ५ स्थित सीमा ईलाकाबाट बैशाख १० गते एपीएफ टोलीले विभिन्न किसिमको लागूऔषधसहित सोही जिल्लाको लहान नगरपालिका २० बस्ने २२ बर्षिय मोहमद मोहोदिन मियाँलाई पक्राउ गरेको छ । 
    सशस्त्र प्रहरी बल नेपाल बोर्डर आउट पोष्ट नवराजपुरबाट खटिएको एपीएफ टोलीले निज मियाँलाई डाईजिल्याब १६ बोतल, प्रोमेजिन १६ बोतल र १५ वटा सेतो बोतलमा पानी जस्तो देखिने लागूऔषधसहित पक्राउ गरेको हो । 
    एपीएफ टोलीले पक्राउ परेका निज मियाँलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।  
 

काठमाडौं,    
    सशस्त्र प्रहरी बल, नेपाल र पशुपति क्षेत्र विकास कोषको संयुक्त आयोजनामा आज पशुपतिनाथ मन्दिर ईलाकामा रहेको विश्वरुपा मन्दिर तथा श्लेषमान्तक वन हातामा वृक्षारोपण गरिएको छ । 
    पशुपति क्षेत्र विकास कोषका सदस्य सचिव डा. प्रदिप ढकाल र सशस्त्र प्रहरी महानिरीक्षक शैलेन्द्र खनालले संयुक्त रुपमा शिरिषको बिरुवा रोपेर बृक्षारोपणको शुभारम्भ भएपछि विभिन्न जातका गरी करीब एक हजार बोट विरुवा सो क्षेत्रमा रोपिएको छ ।  
    कार्यक्रममा सदस्य सचिव डा. ढकालले पर्यावरण तथा प्रकृतिको जगेर्ना गर्ने हेतुले बृक्षारोपण कार्यक्रम एउटा प्रयास स्वरुप थालनी गरिएको चर्चा गर्नुहुँदै आगामी दिनहरुमा समेत सशस्त्र प्रहरी बल, नेपालसँग सहकार्य गर्दै यस किसिमको कार्यक्रम गरिने बताउनुभयो । 
    उहाँले यस क्षेत्रमा मात्र सिमित नभएर देशका अन्य भागहरुमा समेत बृक्षारोपणको योजना रहेको उल्लेख गर्नुहुँदै सृजना मात्रै नभई संरक्षण र सम्बर्धन गर्न पनि त्यति नै आवश्यक हुने बताउनुभयो । 
    सशस्त्र प्रहरी महानिरीक्षक शैलेन्द्र खनालले सो अवसरमा नेपाल सरकारले आर्थिक वर्ष २०७६÷७७ लाई वृक्षारोपण वर्षको रुपमा मनाउने नीति अनुरुप बोट बिरुवा रोपेर वातावरण हराभरा बनाउन सशस्त्र प्रहरी बल, नेपालले आफ्नो तर्फबाट पूर्ण रुपमा प्रयास गर्ने बताउनुभयो । 
    उहाँले बृक्षारोपण कार्यक्रमलाई आगामी दिनहरुमा समेत निरन्तरता दिने उल्लेख गर्नुहुँदै पशुपंक्षीहरुको बास स्थानको रुपमा रहेको प्राकृतिक वनजंगलहरु मासिदै गएकोले यसलाई जोगाउने अभिप्रायले बृक्षारोपण कार्यक्रम अझ प्रभावकारी ढंगबाट संचालन गर्नुपर्ने बताउनुभयो । 
    सो कोषका निर्देशक भोलाप्रसाद सिटौलाले स्वागत मन्तव्यको क्रममा सशस्त्र प्रहरी बल, नेपालको विशेष सहभागितामा यस क्षेत्रमा विरुवा रोपेर बातावरणीय संरक्षणमा टेवा पु¥याउने हेतुले सो बृक्षारोपण कार्यक्रम गरिएकोे बताउनुभयो । 

काठमाडौं,
    बाँके जिल्लाको नेपालगंज उपमहानगरपालिका १४ स्थित बावुगाउँबाट साउन २३ गते एपीएफ टोलीले करीव १ लाख ४६ हजार रुपैयाँ बराबरको चोरीपैठारीको लत्ताकपडा बरामद गरेको छ ।
    भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल नम्बर ३० गण हेक्वा बाँकेबाट खटिएको एपीएफ टोलीले बरामद गरेको हो ।
    एपीएफ टोलीले बरामद लत्ताकपडा आवश्यक कारवाहीको लागि भन्सार कार्यालय नेपालगंजमा बुझाएको छ ।
    यसैगरी सशस्त्र प्रहरी बल, नेपाल नम्बर ३५ गण हेक्वा कञ्चनपुरबाट खटिएको एपीएफ टोलीले साउन २३ गते करीव १ लाख ४३ हजार रुपैयाँ बराबरको कस्मेटिक सामान बरामद गरेको छ ।
    भन्सार छली अवैध रुपले नेपालतर्फ ल्याउँदै गरेको उक्त सामान एपीएफ टोलीले कञ्चनपुर जिल्लाको लालझाडी गाउँपालिका २ कालागौडी ईलाकाबाट बरामद गरेको हो ।
    बरामद सामान आवश्यक कारवाहीको लागि स्थानीय भन्सार कार्यालयमा बुझाईएको छ । 
 

सुनसरी,
    सुनसरी जिल्लाको ईनरुवा नगरपालिका ६ स्थित बसचोकबाट एपीएफ टोलीले साउन २३ गते पचास/पचास ग्रामको दुई वटा सुनको वालासहित एक जनालाई पक्राउ गरेको छ ।
    पक्राउ पर्नेमा सोही जिल्लाको हरिनगर गाउँपालिका ९ बस्ने ४० वर्षिय ईशान उदिन मियाँ छन् ।
    सशस्त्र प्रहरी बल, नेपाल नम्बर ४ गण हेक्वा सुनसरीबाट खटिएको एपीएफ टोलीले निज मियाँलाई उक्त सुनसहित पक्राउ गरेको हो । 
    नेपालबाट भारततर्फ जाँदै गरेका निज मियाँले लुकाई छिपाई लैजाँदै गरेको अवस्थामा उक्त सुनको वाला फेला परेपछि उनलाई पक्राउ गरिएको हो ।
 

महोत्तरी,

          महोत्तरी जिल्लाको मट्टिहानी नगरपालिका ८ तुल्सीमाई भन्ने स्थानबाट साउन २० गते एपीएफ टोलीले १० लाख ३५ हजार २ सय ३६ रुपैयाँ बराबरको १५ के.जी. दानादार चाँदीसहित एक जनालाई पक्राउ गरेको छ ।

          पक्राउ पर्नेमा धनुषा जिल्लाको मुखियापट्टि मसुरनिया गाउँपालिका २ बस्ने ३२ वर्षीय बिरेन्द्र महत्तो छन् ।

          बी.आर. ३२ एन ०६८९ नम्वरको मोटरसाईकलमा नेपालबाट भारततर्फ जाँदै गरेका निज महत्तोलाई सशस्त्र प्रहरी बल, नेपाल बोर्डर आउट पोष्ट मट्टिहानीबाट सशस्त्र प्रहरी निरीक्षक सुवासचन्द्र मैनालीको कमाण्डमा खटिएको एपीएफ टोलीले जाँच गर्दा उक्त चाँदी फेला परेपछि उनलाई पक्राउ गरिएको हो ।

          एपीएफ टोलीले त्यसवेला निज महत्तोले प्रयोग गरेको सो मोटरसाइकल समेत बरामद गरेको छ ।

काठमाडौं,

          धनुषा जिल्लाको औरही गाँउपालिका ६ चक्करचोक तथा जनकपुर महानगरपालिका ४ क्याम्पस चोकबाट साउन २० गते एपीएफ टोलीले करीब ६ लाख ५० हजार रुपैयाँ बराबरको विभिन्न किसिमको चोरीपैठारीको सामान बरामद गरेको छ ।

सशस्त्र प्रहरी बल, नेपाल नम्बर ८ गण हेक्वा धनुषाबाट खटिएको एपीएफ टोलीले उक्त सामानहरु बरामद गरेको हो ।

भारतबाट अवैध रुपले भन्सार छली ल्याउँदै गरेको अवस्थामा उल्लेखित मूल्य बराबरको लत्ताकपडा, रजनीगन्धा तथा पान मसला बरामद गरिएको हो । एपीएफ टोलीले त्यसवेला उक्त सामानहरु ल्याउन प्रयोग भएको ४ वटा मोटरसाइकल समेत बरामद गरेको छ ।

          बरामद सामान तथा मोटरसाइकल आवश्यक कारवाहीको लागि स्थानीय भन्सार कार्यालयमा बुझाईएको छ ।

          बरामद सामान तथा मोटरसाइकलको भन्सार दाखिला मूल्य करीब ९ लाख रुपैयाँ रहेको छ । 

          यसैगरी पर्सा जिल्लाको बीरगंज महानगरपालिका २५ सिरसियास्थित सीमा ईलाकाबाट साउन २० गते एपीएफ टोलीले करीब १ लाख ५० हजार रुपैयाँ बराबरको चोरीपैठारीको लत्ताकपडा तथा ईलेक्ट्रोनिक्स सामान बरामद गरेको छ ।

          भारतबाट अवैध रुपले भन्सार छली ल्याउँदै गरेको अवस्थामा सशस्त्र प्रहरी बल, नेपाल नम्बर १३ गण हेक्वा पर्साबाट खटिएको एपीएफ टोलीले उक्त सामान बरामद गरेको हो ।

          बरामद सामान आवश्यक कारवाहीको लागि स्थानीय भन्सार कार्यालयमा बुझाईएको छ ।

रुपन्देही,

          रुपन्देही जिल्लाको सिद्वार्थनगर नगरपालिका १ बेलहियाबाट साउन २० गते एपीएफ टोलीले विभिन्न किसिमको लागूऔषधसहित एक जनालाई पक्राउ गरेको छ ।

          पक्राउ पर्नेमा दाङ जिल्लाको तुल्सीपुर उपमहानगरपालिका ५ बस्ने २५ वर्षीय उज्वल रिजाल छन ।

          भारतबाट नेपाल तर्फ आउदै गरेका निज रिजाललाई सशस्त्र प्रहरी बल, नेपाल नम्वर ३८ गण हेक्वा रुपन्देहीबाट खटिएको एपीएफ टोलीले शंका लागी जाँच गर्दा उनको साथमा नुफिन ५३ बोतल, फेनारगन ५२ बोतल तथा डाईजापाम ५२ बोतल फेला परेपछि पक्राउ गरिएको हो।

          पक्राउ परेका रिजाललाई बरामद लागूऔषधसहित आवश्यक कारवाहीको लागी स्थानीय प्रहरीमा बुझाइएको छ । 

महोत्तरी,
        महोत्तरी जिल्लाको मटिहानी नगरपालिका ९ स्थित हनुमान चोकबाट साउन २० गते एपीएफ टोलीले स्रोत नखुलेको करीव २१ लाख २२ हजार रुपैयाँसहित एक जनालाई पक्राउ गरेको छ ।
        पक्राउ पर्नेमा सोही जिल्लाको महोत्तरी गाउँपालिका १ डामी बस्ने ३५ वर्षिय सुरेन्द्र ठाकुर छन् । उनलाई सशस्त्र प्रहरी बल, नेपाल नम्बर ९ गण हेक्वा महोत्तरीबाट खटिएको एपीएफ टोलीले पक्राउ गरेको हो ।
        सोही जिल्लाको हनुमान चोकबाट ज ११ प १७३२ नम्बरको मोटरसाइकलमा जलेश्वरतर्फ जाँदै गरेका निज ठाकुरलाई एपीएफ टोलीले शंका लागि जाँच गर्दा उनको साथमा उल्लेखित रुपैयाँ फेला परेको तथा उनले उक्त रकमको स्रोत खुलाउन नसकेपछि पक्राउ गरिएको हो ।
        एपीएफ टोलीले पक्राउ परेका निज ठाकुरलाई बरामद रकमसहित आवश्यक कारवाहीको लागि सम्पत्ती शुद्धिकरण विभाग महोत्तरीमा बुझाएको छ ।

ठमाडौं,
        बर्दियाँ जिल्लाको मधुवन नगरपालिका ३ कोठियाघाटबाट एपीएफ टोलीले साउन २१ गते करीव २ लाख ४ हजार रुपैयाँ बराबरको चोरीपैठारीको सामान बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको लत्ताकपडा, मोटर पार्टस र रासायनिक मल सशस्त्र प्रहरी बल, नेपाल नम्बर ३१ गण हेक्वा बर्दियाबाट खटिएको एपीएफ टोलीले बरामद गरेको हो ।
        त्यसेवला सामान ल्याउँने व्यक्तिहरु एपीएफ टोलीलाई देख्नासाथै उक्त सामान छाडी भागेका थिए ।
        एपीएफ टोलीले बरामद सामान आवश्यक कारवाहीको लागि स्थानीय भन्सार कार्यालयमा बुझाएको छ ।
        यसैगरी सशस्त्र प्रहरी बल, नेपाल नम्बर ५६ गुल्म हेक्वा कञ्चनपुरबाट खटिएको एपीएफ टोलीले साउन २० गते वेवारिसे अवस्थामा रहेको करीव २ लाख ५० हजार रुपैयाँ बराबरको फेन्सी सामान बरामद गरेको छ ।
        एपीएफ टोलीले उक्त सामान कञ्चनपुर जिल्लाको भिमदत्त नगरपालिका ६ स्थित बनगाउँबाट बरामद गरेको हो ।
        बरामद सामान एपीएफ टोलीले आवश्यक कारवाहीको लागि भन्सार कार्यालय गड्डाचौकीमा बुझाएको छ ।

काठमाडौं,

          सशस्त्र प्रहरी अतिरिक्त महानिरीक्षक पुष्पराम के.सी.ले संयुक्त राष्ट्रसंघको अनुरोधमा सशस्त्र प्रहरी बल, नेपालको तर्फबाट शान्ति स्थापनार्थ युनाइटेड नेशन्स मिसन इन साउथ सुडानमा फम्र्ड पुलिस युनिट (एफपीयू) को रुपमा कार्य गर्न खटिई जान लागेको एक टोलीलाई साउन १९ गते सशस्त्र प्रहरी बल, नेपाल प्रधान कार्यालयमा आयोजित एक समारोहका बीच हार्दिक विदाई गर्नुभयो ।

          सशस्त्र प्रहरी अतिरिक्त महानिरीक्षक के.सी.ले त्यसअवसरमा संगठनका राष्ट्रसेवक कर्मचारीहरु द्वन्दग्रस्त मुलुकमा शान्तिस्थापनार्थ खटिँदा राष्ट्र र संगठनको प्रतिष्ठा उच्च हुने गरी उत्कृष्ट कार्य सम्पादन गर्नेतर्फ कृयाशिल रहनुपर्ने बताउनुभयो ।

          उहाँले त्यहाँको जनताको मर्म, धर्म र संस्कृतिमा कुनै खालको असर नपर्ने गरी व्यावसायीक एवं जिम्मेवारी पूर्वक संयुक्त राष्ट्रसंघको मर्म अनुसार कार्य गर्नुपर्ने उल्लेख गर्नुहुँदै त्यहाँका जनताको सेवा, सहयोग र सुरक्षाको लागि अनुशासित एवं ईमान्दार भई लाग्नुपर्ने बताउनुभयो ।

सशस्त्र प्रहरी अतिरिक्त महानिरीक्षक के.सी.ले सो टोलीले शान्ति सुरक्षा गर्ने कार्यमा प्राप्त अनुभवलाई मिसन इलाकामा समेत सदुपयोग गर्दै सामुहिक भावनाकासाथ प्राप्त जिम्मेवारीलाई कूशलतापूर्वक सम्पन्न गर्ने विश्वास व्यक्त गर्नुभयो

सशस्त्र प्रहरी उपरीक्षक मनिष थापाको कमाण्डमा एकवर्षे कार्यकालका लागि एफपीयुको रुपमा साउथ सुडानको बोरमा खटिई जाने सो टोलीमा अधिकृत, विल्लादार तथा जवान गरी कूल १ सय ४० जना रहेका छन् ।

          कार्यक्रममा सशस्त्र प्रहरी अतिरिक्त महानिरीक्षकहरु नारायणबाबु थापा र रामशरण पौडेल लगायत एपीएफ अधिकृत, विल्लादार तथा जवानहरुको उपस्थिती रहेको थियो ।

काठमाडौं,

          सशस्त्र प्रहरी बल, नेपाल नम्बर ३८ गुल्म हेक्वा (राजश्व तथा भन्सार सुरक्षा) रुपन्देहीको एपीएफ टोलीले करीब ६ लाख ५० हजार रुपैयाँ बराबरको चोरीपैठारीको लत्ताकपडा तथा उक्त लत्ताकपडा ल्याउन प्रयोग भएको एउटा यात्रुबाहक बस समेत बरामद गरी भन्सार कार्यालयमा बुझाएको छ ।

          सो गुल्मबाट सशस्त्र प्रहरी नायव उपरीक्षक गोविन्दबहादुर खातीको कमाण्डमा खटिएको एपीएफ टोलीले साउन १७ गते उक्त लत्ताकपडा तथा गाडी रुपन्देही जिल्लाको सिद्धार्थनगर नगरपालिका १ डण्डा ईलाकाबाट बरामद गरेको थियो ।

          दिल्ली–बुटवल चल्ने लु. १ ख ६६४९ नम्बरको यात्रुबाहक बसमा फल्सबटन बनाई लुकाई छिपाई भारतबाट नेपालतर्फ अवैध रुपले चोरीपैठारी गर्न लागेको अवस्थामा उल्लेखित मूल्य बराबरको विभिन्न किसिमका लत्ताकपडाहरु फेला परेपछि उक्त लत्ताकपडासहित सो गाडी समेत बरामद गरिएको हो ।

          एपीएफ टोलीले त्यसवेला उक्त यात्रुबाहक बसका चालक स्याङजा जिल्लाको गल्याङ नगरपालिका १ मालुङ्गा बस्ने ३६ बर्षिय राजु सुनार तथा सह–चालक सोही नगरपालिका बस्ने २५ बर्षिय यमबहादुर सुनारलाई पक्राउ गरेको छ । 

          एपीएफ टोलीले बरामद सामान तथा गाडीसहितै पक्राउ परेकाहरुलाई आवश्यक कारवाहीको लागि भैरहवा भन्सार कार्यालय बेलहियामा बुझाएको छ ।

          उक्त सामान तथा गाडीको भन्सार दाखिला मूल्य करीब ३१ लाख ५० हजार रहेको छ ।

          यसैगरी सोही गुल्मबाट खटिएको एपीएफ टोलीले साउन १९ गते रुपन्देही जिल्लाको सिद्धार्थनगर नगरपालिका १ डण्डा ईलाकाबाट करीब १ लाख ७० हजार रुपैयाँ बराबरको चोरीपैठारीको सेकेण्ड हेण्ड ल्यापटप तथा ल्यापटपका सामानहरु बरामद गरेको छ ।

          बरामद सामान एपीएफ टोलीले आवश्यक कारवाहीको लागि स्थानीय भन्सार कार्यालयमा बुझाएको छ ।

          यसैगरी पर्सा जिल्लाको बिरगंज महानगरपालिका १६ रजतजयन्ती चोकबाट साउन १८ गते एपीएफ टोलीले करीब १ लाख ७७ हजार रुपैयाँ बराबरको चोरीपैठारीको लत्ताकपडा, मोटर पाटर््स तथा किराना सामान बरामद गरेको छ ।

          सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले उक्त सामान बरामद गरेको हो ।

          बरामद सामान आवश्यक कारवाहीको लागि स्थानीय भन्सार कार्यालयमा बुझाइएको छ ।

पश्चिम नवलपरासी,

          पश्चिम नवलपरासी जिल्लाको पल्हीनन्दन गाँउपालिका १ रामपुरस्थित सीमा ईलाकाबाट साउन १८ गते राति एपीएफ टोलीले विभिन्न किसिमको लागूऔषध बरामद गरेको छ ।

          सशस्त्र प्रहरी बल, नेपाल बोर्डर आउट पोष्ट हरपुरबाट खटिएको एपीएफ टोलीलाई देख्नासाथै एउटा झोला बोकेर आएका व्यक्तिले उक्त झोला सोही ठाउँमा फालेर भागेपछि सो झोला खोलेर हेर्दा फेनारगन २ सय २५ एम्पुल, नोफिन ३ सय ७५ एम्पुल तथा सिरिञ्ज एक सयवटा फेला परेको थियो ।

          उक्त लागूऔषध स्थानीय प्रहरीमा बुझाइएको छ ।

पर्सा,
        पर्सा जिल्लाको विरगंज महानगरपालिका १६ स्थित विरगंज भन्सार मुलगेटबाट
साउन २ गते एपीएफ टोलीले लागूऔषधसहित एक जनालाई पक्राउ गरेको छ ।
        पक्राउ पर्नेमा पर्सा जिल्लाको विरगंज महानगरपालिका १९ नधुवा बस्ने ६५
वर्र्षिय महन पटेल छन् ।
उनलाई सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको
एपीएफ टोलीले पक्राउ गरेको हो ।
        भारतबाट नेपालतर्फ आउँदै गरेका निज पटेललाई एपीएफ टोलीले शंका लागी जाँच
गर्दा निज पटेलको साथमा डाईजोल्याप ३०० वटा फेला परेपछि उनलाई पक्राउ
गरिएको हो ।
        पक्राउ परेका पटेललाई बरामद लागूऔषधसहित आवश्यक कारवाहीको लागि स्थानीय
प्रहरीमा बुझाइएको छ ।