बारा जिल्लाको कलैया उपमहानगरपालिका–१० स्थित मटिअर्वा र शनिश्चरे ईलाकाबाट श्रोत नखुलेको भारतीय रुपैयाँ तथा चरेशसहित तीन जनालाई नियन्त्रणमा लिईएको छ ।
असार २१ गते प्रस्तावित सीमा सुरक्षा गुल्म मटिअर्वाले २ लाख ५ हजार ६ सय भारतीय रुपैयाँसहित मोटरसाईकलमा सवार भारत घर बताउने अन्दाजी ३६ वर्षिय पुरुषलाई नियन्त्रणमा लिएको हो ।
त्यस्तै असार १८ गते सोही गुल्मले करीव १० किलो २ सय ३० ग्राम चरेशसहित भारत घर बताउने अन्दाजी २१ वर्षिय र १८ वर्षिय पुरुषलाई नियन्त्रणमा लिएको छ । भारतीय नम्बर प्लेटको मोटरसाईकलमा सवार उनीहरुले हेल्मेट र सिटमुनी लुकाई छिपाई ल्याउँदै गरेको अवस्थामा चरेश फेला परेको हो ।
नियन्त्रमा लिईएकाहरुलाई बरामद रुपैयाँ, चरेश र मोटरसाईकलसहित आवश्यक कारवाहीको लागि सम्बन्धित निकायमा बुझाईएको छ ।
