सम्माननीय प्रधानमन्त्री पुष्पकमल दाहाल ‘प्रचण्ड’ सशस्त्र प्रहरी बल,
नेपाल प्रधान कार्यालय हल्चोक स्वयम्भूमा मंगलबार आयोजित ‘२३औं सशस्त्र
प्रहरी दिवस २०८०’ विशेष सन्ध्याकालिन समारोहमा सरिक हुनुभएको छ ।
सो अवसरमा सम्माननीय प्रधानमन्त्री प्रचण्डले अमर सशस्त्र प्रहरी
स्मारकमा पुष्पहार चढाउनुका साथै अमर सशस्त्र प्रहरीप्रति भावपूर्ण
श्रद्धाञ्जली अर्पण गर्नुभयो ।
समारोहमा प्रधानमन्त्री प्रचण्डले अवकाश प्राप्त सशस्त्र प्रहरी नायव
महानिरीक्षक दिलीपकुमार श्रेष्ठलाई ‘एपीएफ लाईफ टाइम अचिभमेन्ट अवार्ड’
तथा यस वर्ष उत्कृष्ट बाहिनी हुन सफल सशस्त्र प्रहरी बल, नेपाल नं. २
छिन्नमस्ता बाहिनी मुख्यालय महोत्तरीका बाहिनीपति सशस्त्र प्रहरी नायव
महानिरीक्षक दीपेन्द्र शाहलाई ‘उत्कृष्ट बाहिनी अवार्ड’ प्रदान गर्नुभयो
।
सम्माननीय प्रधानमन्त्री प्रचण्डले उक्त विशेष समारोहमा सशस्त्र प्रहरी
बल, नेपालद्वारा प्रकाशित सचित्र पुस्तक "ARMED POLICE FORCE, NEPAL" को
लोकार्पण समेत गर्नुभयो ।
