झापा जिल्लाको मेचीनगर नगरपालिका १ कृष्णथुम्कि ईलाकाबाट साउन ५ गते
राति सशस्त्र प्रहरीले ३० लाख ८३ हजार ८ सय ५० रुपैयाँ बराबरको सालको
गोलिया काठसहित दुई वटा ट्याक्टर नियन्त्रणमा लिएको छ ।
विशेष सूचनाको आधारमा नम्बर २ गण झापाले मे १ त ७२०० र मे १ त ५३४५
नम्बरको काठसहितको ट्याक्टर नियन्त्रणमा लिएको हो ।
ट्क्याटरमा राखेर अवैध रुपले लैजाँदै गरेको २ सय ९६.७७ क्यूफिट, १ सय ६
वटा काँचो गोलिया काठ नियन्त्रणमा लिइएको हो । काठ ल्याउने व्यक्तिहरु
सशस्त्र प्रहरीलाई देख्नासाथै ट्याक्टर र काठ छाडेर भागेका थिए ।
बरामद काठ र दुई वटै ट्याक्टर डिभिजन बन कार्यालय चन्द्रगढी झापामा बुझाईएको छ ।
