कास्की जिल्लाको पोखरा महानगरपालिका १७ विरौटा स्थित पावर हाउस नजिकै
फिर्के खोलामा डुवेर बेपत्ता भएका एक जनाको शव सशस्त्र प्रहरीले साउन ६
गते फेला पारेको छ ।
सोही महानगरपालिका ८ बगाले टोल बस्ने १६ वर्षिय विवेक कुँवर सो खोलामा
पौडी खेल्ने क्रममा डुवेर बेपत्ता भएका थिए ।
बेपत्ता भएको जानकारी पाउनासाथै नम्बर २४ कालिका गण कास्कीबाट गोतोखोर
सहितको टोलीले खोजीकार्य गर्दा उनको शव फेला पारेको हो । शव
पोष्टमार्टमको लागि पोखरा स्वास्थ्य विज्ञान प्रतिष्ठानमा पठाईएको छ ।
