पर्सा,
पर्सा जिल्लाको बीरगंज महानगरपालिका १६ स्थित शंकराचार्य गेट नजिकैबाट असोज १८ गते एपीएफ टोलीले तीन सय वटा नाईट्रोभेट ट्याब्लेटसहित एक जनालाई पक्राउ गरेको छ ।
पक्राउ पर्नेमा बारा जिल्लाको जीतपुर सिमरा उपमहानगरपालिका ६ बस्ने याकुब अन्सारी छन् ।
भारतबाट नेपालतर्फ आउँदै गरेका निज अन्सारीलाई सशस्त्र प्रहरी बल, नेपाल बोर्डर आउट पोष्ट बीरगंजबाट खटिएको एपीएफ टोलीले शंका लागि जाँच गर्दा उनको साथमा उक्त लागूऔषध फेला परेपछि पक्राउ गरिएको हो ।
पक्राउ परेका अन्सारीलाई बरामद लागूऔषधसहित आवश्यक कारवाहीको लागि जिल्ला प्रहरी कार्यालय पर्सामा बुझाईएको छ ।
