काठमाडौं,
पर्सा जिल्लाको पोखरीया नगरपालिका ६ सिर्सियाबाट भाद्र ९ गते एपीएफ
टोलीले करीव दुई लाख रुपैयाँ बराबरको विभिन्न किसिमका औषधी बरामद गरेको छ
।
भारतबाट अवैध रुपले भन्सार छली नेपालतर्फ ल्याउँदै गरेको उक्त औषधी
सशस्त्र प्रहरी बल, नेपाल सुरक्षा वेश पोखरीयाबाट खटिएको एपीएफ टोलीले
बरामद गरेको हो ।
यसैगरी महोत्तरी जिल्लाको शम्सी गाउँपालिका ७ चाँदनी चोकबाट भाद्र ९ गते
एपीएफ टोलीले करीव एक लाख ५८ हजार रुपैयाँ बराबरको चोरीपैठारीको
लत्ताकपडा बरामद गरेको छ ।
भारतबाट अवैध रुपले भन्सार छली नेपालतर्फ ल्याउँदै गरेको उक्त लत्ताकपडा
सशस्त्र प्रहरी बल, नेपाल बोर्डर आउट पोष्ट शम्सीबाट खटिएको एपीएफ टोलीले
बरामद गरेको हो ।
बरामद सामान स्थानीय भन्सार कार्यालयमा बुझाईएको छ ।
यसैगरी सशस्त्र प्रहरी बल, नेपाल बोर्डर आउट पोष्ट गौरबाट खटिएको एपीएफ
टोलीले भाद्र ९ गते करीव एक लाख ५५ हजार रुपैयाँ बराबरको चोरीपैठारीको
किराना तथा कस्मेटिक सामान बरामद गरेको छ ।
भारतबाट अवैध रुपले ल्याउँदै गरेको उक्त सामान एपीएफ टोलीले रौतहट
जिल्लाको गौर नगरपालिका २ महादेवपट्टिबाट बरामद गरेकोे हो ।
बरामद सामान स्थानीय भन्सार कार्यालयमा बुझाईएको छ ।
