काठमाडौं,
झापा जिल्लाको अर्जुनधारा नगरपालिका २ स्थित टाङाटीङ खोलाले बगाएर
बेपत्ता भएका एक जनाको शव एपीएफ टोली र स्थानीय प्रहरीले फेला पारेको छ ।
सोही ठाँउ वस्ने ५८ बर्षिय भुन्टेबहादुर बस्नेत असार ३१ गते सो खोलाले
बगाई वेपत्ता भएका थिए ।
सो बारे जानकारी पाउनासाथै सशस्त्र प्रहरी बल, नेपाल सुरक्षा वेश
खुदुनावारीबाट खटिएको एपीएफ टोली र स्थानीय प्रहरीले निज बस्नेतको शब
घटनास्थल भन्दा करीब छ सय मिटर तल ढुङ्गामा अड्किएको अवस्थामा फेला
पारेको हो ।
यसैगरि सिन्धुपाल्चोक जिल्लाको भोटेकोशी गाँउपालिका ४ कुल्पिङ्गकट्टीमा
पहिरो आई सो ठाउँमा रहेको दुई वटा घर पुरीदा एक जनाको मृत्यु भएको छ भने
चार जना बेपत्ता भएका छन् ।
सो बारे जानकारी पाउनासाथै उक्त स्थानमा खोज तथा उद्वारको लागि नेपाली
सेना, एपीएफ टोली, र स्थानीय प्रहरी खटिई गई एक जनाको शव फेला पारेको छ ।
अन्य हराई रहेकाहरुको खोजी कार्य भईरहेको छ ।
