सर्लाही,
सर्लाही जिल्लाको ईश्वरपुर नगरपालिका ९ बाट बैशाख २७ गते एपीएफ टोलीले
करीब एक लाख ४० हजार रुपैयाँ बराबरको एक सय ४० क्यूफिट मसलाको काठ बरामद
गरेको छ ।
सशस्त्र प्रहरी बल नेपाल सुरक्षा बेस सागरनाथबाट खटिएको एपीएफ टोलीले
उक्त काठ बरामद गरेको हो ।
ना १ त ५१२० नम्बरको ट्रयाक्टरमा राखेर ल्याउँदै गरेको अवस्थामा उक्त
काठ तथा काठ ल्याउन प्रयोग भएको सो ट्रयाक्टरसमेत बरामद गरिएको हो ।
बरामद काठ तथा ट्रयाक्टर स्थानीय वन कार्यालयमा बुझाइएको छ ।
