सिरहा,
सिरहा जिल्लाको सिरहा नगरपालिका १५ बुधौरा स्थित सीमा ईलाकाबाट चैत्र २८
गते एपीएफ टोलीले लागूऔषधसहित एक जनलाई पक्राउ गरेको छ ।
पक्राउ पर्नेमा सोही नगरपालिका ७ बस्ने २२ वर्षिय सुरजकुमार यादव छन् ।
उनलाई सशस्त्र प्रहरी बल नेपाल अस्थायी पोष्ट बुधौराबाट खटिएको एपीएफ
टोलीले पक्राउ गरेको हो ।
भारतबाट खेतको बाटो प्रयोग गरी नेपालतर्फ आउँदै गरेका निज यादवलाई एपीएफ
टोलीले शंका लागि जाँच गर्दा उनको साथमा डाईलेक्स डिसी ६ सिसि र
स्पास्पास ट्याब्लेट ४ वटा फेला परेपछि पक्राउ गरिएको हो । त्यसवेला उनको
साथबाट एउटा मोवाईल सेट समेत बरामद गरिएको छ ।
एपीएफ टोलीले पक्राउ परेका यादवलाई बरामद लागूऔषध तथा उक्त मोवाई
सेटसहित आवश्यक कारवाहीको लागि जिल्ला प्रहरी कार्यालय सिरहामा बुझाएको छ
।
