कञ्चनपुर,
कञ्चनपुर जिल्लाको कृष्णपुर नगरपालिका वटा नम्बर ४ र ५ को सीमानामा पर्ने गुलरियाबाट कृष्णपुर मा.वि. जाने ग्राभिल सडकबाट चैत्र २५ गते एपीएफ टोलीले प्वाईन्ट टुटु एलआर लेखिएको एउटा बन्दुक र सोको १४ राउण्ड गोली, एयर गन एउटा, सोको १९६ वटा छर्रा र ७६ हजार पाँच सय रुपैयाँ बरामद गरेको छ ।
सशस्त्र प्रहरी बल नेपाल नम्बर ३५ गण कञ्चनपुरबाट खटिएको एपीएफ टोलीले उक्त अवैध हतियार तथा रुपैयाँ बरामद गरेको हो ।
सो ठाउँमा रोकी राखेको डि एल ३ सी सी आर ३९९७ नम्बरको भारतीय गाडीमा शंका लागि जाँच गर्दा उल्लेखित अवैध हतियार तथा रुपैयाँ फेला परेपछि बरामद गरिएको हो ।
बरामद हतियार तथा रुपैयाँ स्थानीय प्रहरीमा बुझाइएको छ ।
