सुनसरी,
सुनसरी जिल्लाको हरिनगर गाँउपालिका ५ स्थित नगरकट्टीबाट असार ८ गते एपीएफ टोलीले करीब १ लाख ५० हजार रुपैयाँ बराबरको ६ हजार के.जी. धानसहित एक जनालाई पक्राउ गरेको छ ।
पक्राउ पर्नेमा सुनसरी जिल्लाको हरिनगर गाँउपालिका ५ नगरकट्टी वस्ने २४ वर्षिय रमानन्द यादव छन् ।
अवैध रुपले भारतबाट नेपालतर्फ को. २ च ५५०३ नम्बरको ट्रयाक्टरमा राखेर ल्याउँदै गरेको अवस्थामा सशस्त्र प्रहरी बल, नेपाल सुरक्षा बेस भुटाहाबाट खटिएको एपीएफ टोलीले उक्त धानसहित निज यादवलाई पक्राउ गरेको हो । एपीएफ टोलीले त्यसवेला सो ट्रयाक्टरसमेत बरामद गरेको छ ।
बरामद ट्रयाक्टर तथा धानको भन्सार दाखिला मूल्य ८ लाख २० हजार रुपैयाँ रहेको छ ।
