सिरहा,
सिरहा जिल्लाको लाहान नगरपालिका १९ गाडाचोकबाट बैशाख १६ गते सशस्त्र प्रहरी बल, नेपाल सुरक्षा बेस लाहानबाट खटिएको एपीएफ टोली र स्थानीय प्रहरीले विभिन्न किसिमका लागूऔषधसहित दुई जनालाई पक्राउ गरेको छ ।
पक्राउ पर्नेहरुमा सोही जिल्लाको लाहान नगरपालिका ३ बस्ने २६ वर्षिय प्रविणकुमार यादव र सोही नगरपालिका ८ बस्ने २९ वर्षिय अर्जुनकुमार महतो छन् ।
स. ७ प ९३९१ नम्बरको मोटरसाइकलमा सवार उनीहरुलाई शंका लागि जाँच गर्दा उनीहरुको साथबाट नोफिन २२२ वटा, डाईजिल्याप २०२ वटा र हाईड्रोक्लोराईड २३८ वटा फेला परेपछि पक्राउ गरिएको हो ।
पक्राउ परेकाहरुलाई बरामद लागूऔषधसहित आवश्यक कारवाहीको लागि ईलाका प्रहरी कार्यालय लाहानमा बुझाइएको छ ।
