काठमाडौं, सशस्त्र प्रहरी महानिरीक्षक शैलेन्द्र खनालले राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा संचालित सि.सं. ३ गणपति तालिम समापन गर्नुका साथै मंगलबारदेखि सोही प्रतिष्ठानमा संचालन हुने सि.सं. २१ गुल्मपति तथा स्टाफ (सिसिएससी) तालिमको उद्घाटन गुर्नभयो ।
सशस्त्र प्रहरी बल, नेपाल प्रधान कार्यालयमा चैत्र २६ गते आयोजित उक्त समारोहमा सशस्त्र प्रहरी महानिरीक्षक खनालले गणपति तालिमका उत्कृष्ट प्रशिक्षार्थीहरुलाई पुरस्कार तथा प्रमाणपत्र प्रदान गर्नुभयो ।
सो अवसरमा सशस्त्र प्रहरी महानिरीक्षक खनालले फौजी संगठनमा तालिमको महत्वमाथि प्रकाश पार्नुहुँदै यस्ता तालिमबाट प्राप्त ज्ञान तथा कौशलले सुरक्षाकर्मीहरुको व्यावसायीक क्षमतामा अभिबृद्धि हुनुका साथै कार्यक्षेत्रमा खटिँदा आपूm मातहतका कर्मचारीहरुलाई कुशल रुपमा परिचालनगरी उत्कृष्ट कार्यसम्पादनमा सघाउ पुग्ने बताउनुभयो ।
उहाँले यस्ता पेशागत तालिमले वृत्तिविकासमा समेत महत्वपूर्ण भूमिका खेल्ने चर्चा गर्नुहुँदै शारीरिक तथा मानसिक रुपमा स्वस्थ्य जनशक्ति तयार भई कार्यक्षेत्रमा आउन सक्ने चुनौतीहरुको सहज रुपमा सामना गर्न सक्ने कुशल कमाण्डर उत्पादन हुने बिश्वास व्यक्त गर्नुभयो ।
सशस्त्र प्रहरी महानिरीक्षक खनालले प्रशिक्षार्थीहरुले तालिमबाट बढीभन्दा बढी ज्ञान आर्जन गर्नेतर्फ ध्यान पु¥याउँदै व्यक्तित्व बिकासमा क्रियाशिल रहनुपर्ने कुरा समेत उल्लेख गर्नुभयो ।
सो प्रतिष्ठानका कार्यकारी निर्देशक सशस्त्र प्रहरी अतिरिक्त महानिरीक्षक रामशरण पौडेलले स्वागत मन्तब्यको क्रममा संगठनलाई प्राप्त जिम्मेवारी कुशल रुपमा निर्वाह गर्न सक्ने क्षमतावान र व्यावसायीक अधिकृत उत्पादनका लागि यस्ता तालिम अपरिहार्य रहेको चर्चा गर्नुभयो ।
उहाँले राष्ट्र र संगठनले लिएको उद्देश्य परिपूर्तिका लागि प्रतिष्ठानले विभिन्न आधारभूत, पेशागत र अनिवार्य तालिमहरु प्रभावकारी ढंगबाट निरन्तर रुपमा संचालन गर्दै आइरहेको बताउनुभयोे ।
करीब दुई महिना अवधिको गणपति तालिममा कूल ३५ जना प्रशिक्षार्थीहरु सहभागि रहेका थिए ।
यसैगरी करीब तीन महिना अवधिको गुल्मपति तथा स्टाफ तालिममा ३७ जना प्रशिक्षार्थीहरु सहभागि रहेका छन् ।
गणपति तालिममा सशस्त्र प्रहरी नायव उपरीक्षक होमबहादुर ज्ञवाली सर्वप्रथम भएका छन भने सोधपत्रतर्फ सशस्त्र प्रहरी नायव उपरीक्षक धनबहादुर बानिया उत्कृष्ट ठहरिएका छन् ।
