कैलाली,
कैलाली जिल्लाको धनगढी उपमहानगरपालिका १ स्थित शान्तिनगर ईलाकाबाट चैत्र १५ गते एपीएफ टोलीले चोरीपैठारीको लेडिज कपडासहित दुई जनालाई पक्राउ गरेको छ ।
पक्राउ पर्नेहरुमा सोही ठाउँ बस्ने ३५ वर्षिया दुर्गा सार्की र २४ वर्षिया गौरी थेकर छन् ।
उनीहरुलाई सशस्त्र प्रहरी बल, नेपाल नम्बर ५३ गुल्म हेक्वा कैलालीबाट खटिएको एपीएफ टोलीले पक्राउ गरेको हो ।
भारतबाट अवैध रुपले अटो रिक्सामा राखी लुकाई छिपाई ल्याउँदै गरेको अवस्थामा एपीएफ टोलीले उनीहरुलाई उक्त कपडासहित पक्राउ गरेको हो ।
एपीएफ टोलीले पक्राउ परेकाहरुलाई बरामद कपडा तथा अटो रिक्सासहित आवश्यक कारवाहीको लागि स्थानीय भन्सार कार्यालयमा बुझाएको छ । बरामद कपडा तथा अटो रिक्साको भन्सार दाखिला मुल्य १ लाख ८३ हजार रुपैयाँ रहेको छ ।
