काठमाडौं,
बाँके जिल्लाको नेपालगञ्ज उपमहानगरपालिका १६ स्थित जैसपुरबाट चैत्र १० गते एपीएफ टोलीले करीव ६ लाख ५० हजार रुपैयाँ बराबरको चोरीपैठारीको चार सय ४५ थान मोवाईलमा प्रयोग हुने एन्टी रेडिएसन चिप्स बरामद गरेको छ ।
सशस्त्र प्रहरी बल, नेपाल गुल्म हेक्वा बाँके नम्बर ४० गुल्मबाट खटिएको एपीएफ टोलीले उक्त सामान सोही ठाउँको भन्सार कार्यालयको नजिकैबाट बरामद गरेको हो ।
त्यसवेला सामान ल्याउने व्यक्तिहरु एपीएफ टोलीलाई देख्नासाथै सामान छाडी भागेका थिए ।
एपीएफ टोलीले बरामद सामान आवश्यक करावाहीको लागि स्थानीय भन्सार कार्यालयमा बुझाएको छ ।
यसैगरी झापा जिल्लाको मेचीनगर नगरपालिका ६ स्थित भन्सारढाट ईलाकाबाट चैत्र ११ गते एपीएफ टोलीले २ लाख ५३ हजार रुपैयाँ बराबरको चोरीपैठारीको सामान बरामद गरेको छ ।
भारतबाट अवैध रुपले भन्सार छली नेपालतर्फ ल्याउँदै गरेको उल्लेखित मुल्य बराबरको विभिन्न कम्पनीको औषधी र सात वटा ल्यापटप सशस्त्र प्रहरी बल, नेपाल नम्बर ८ गुल्म हेक्वा झापाबाट खटिएको एपीएफ टोलीले बरामद गरेको हो ।
बरामद सामान एपीएफ टोलीले आवश्यक कारवाहीको लागि मेची भन्सार कार्यालय काँकडभिट्टामा बुझाएको छ ।
