काठमाडौं,
सर्लाही जिल्लाको पर्सा गाउँपालिका १ स्थित सितलपुर इलाकाबाट पौष २१ गते एपीएफ टोलीले करीव १ लाख ६२ हजार रुपैयाँ बराबरको चोरीपैठारीको लत्ताकपडा बरामद गरेको छ ।
भारतबाट अवैध रुपले भन्सार छली नेपालतर्फ ल्याउँदै गरेको उक्त लत्ताकपडा सशस्त्र प्रहरी बल नेपाल बोर्डर आउट पोष्ट संग्रामपुरबाट खटिएको एपीएफ टोलीले बरामद गरेको हो ।
त्यसवेला उक्त लत्ताकपडा लिएर आउँदै गरेका व्यक्तिहरु गस्तीमा रहेको एपीएफ टोलीलाई देख्नासाथै सो लत्ताकपडा सोही ठाउँमा छाडी भागेका थिए ।
यसैगरी कैलाली जिल्लाको धनगढी उपमहानगरपालिका ९ स्थित बगरा कटान भन्ने स्थानबाट एपीएफ टोलीले पौष २२ गते करीव २ लाख १४ हजार रुपैयाँ बराबरको हार्डवयरका सामान बरामद गरेको छ ।
सशस्त्र प्रहरी बल नेपाल गुल्म हेक्वा कैलाली नम्बर ५३ गुल्मबाट खटिएको एपीएफ टोलीले भारतबाट अवैध रुपले नेपालतर्फ ल्याउँदै गरेको उक्त सामान बरामद गरेको हो ।
बरामद सामान एपीएफ टोलीले आवश्यक कारवाहीको लागि स्थानीय भन्सार कार्यालयमा बुझाएको छ ।
